DÍLI (Media ONE Timor) – Maske Estudante Timor-oan ida iha Israel maka deskonfia pozitivu kona virus Covid19. Maibé iha rai laran tenki hetan atensaun. Nune’e, Xefi Estadu Major General Lere Anan Timor husu hotu-hotu kontribui kontrola linha fronteira.
Tuir porta Voz hosi Estudante Arava Internacional Center for Agriculture Training (AICAT) liu husi akun Masado iha komunikadu impremsa esplika, iha loron 30 Agostu 2020 sira viajem ba sidade Jerusalém. Fatin Nai Jesus moris, hodi selebra 4 Setembru Negro tinan 1999.
Fila husi Sidade Jerusalém, iha loron 9 Setembru 2020 mosu sintomas Covid19. Loron 11 Setembru 2020 ba halo teste. Iha loron 13 Setembru 2020 rezultadu fo sai hateten pozitivu Covid19. Nune doutor sira transfere kedas ba iha Fatin izolamentu hodi kumpri kuarenta.
“Daun-daun ne’e ami nia maluk estudante ne’e nia kondisaun kumesa normal oitoan ona. Maske sei mear nafatin. Nune’e sei nafatin iha fatin karantina. Ita hotu-hotu reza par abele normal hikas fila-fali.” hateten Porta voz AICAT.
Tuir dadus hamutuk Estudante Tmor-oan 72 maka tuir hela formasaun iha Israel. Timor-oan hirak ne’e aranka husi TL ba Israel iha loron, 13 Agostu 2019. Estudu ne’e hetan apoiu husi Eskola Arava Internacional Center for Agriculture Training (AICAT).
Lere Perkupa Linha Fronteira
Iha parte seluk, Xefi estadu Major General Lere Anan Timur ba jornalista hateten, movimentu illegal iha linha fronteira entre Timor Leste ho Indonesia aumenta ba beo-beik, tamba ema kontinua tama no sai ilegal.
“Koalia Corona, ita preokupa fronteira. Tantu aero portu no linha fronteira Batugade. illegal maka barak. Por ezemplu; foin lalais 300-liu maka tama mai. Se mak fasilita sira. Ema ruma fasilita, maka sira hakat tama seim ita nia seguransa deteta, dehan Lere Anan.
Tanba ne’e Jeneral Fitun rua ne’e sei enkontru ho komandante Polisia no vice ministru interior atu esplika situasaun. Katak Lere, labele admite sira tama illegal. Ho tama illegal bele fo impaktu negativu ba sirkulasaun Covid19 iha rai laran.
Aliende ne’e, Lere mós husu ba Ministru Defeza no Seguransa atu toma responsabilidade kona-ba sidadaun ne’ebé halo movimentu ilegal iha linha fronteriza entre Timor-Leste ho Indonesia.Ba sidadun hotu-hotu mós tenki kontrola ho relata mai hodi foti medida.(Reportájem Javelino da Silva/Herculano)
Ita nia komentariu konaba post ne'e.