Atende Konvite Abertura ASIAN Games, PM Xanana Aranka Ba Xina

(Reportajen Jornalista  Mariquita no Teotonia Neto)

DILI ( www.mediaonetimor.co)  – Primeiru Ministru (PM) Kay Rala Xanana Gusmão hala’o viazen servisu ba Repúblika Popular Xina iha loron Kuarta, (20/09/2023), hodi atende konvite abertura jogu desportivu ASIAN  Games  ba dala-19 ne’ebé sei realiza  iha Sidade Hangzhou Xina.

Tuir komunikadu imprensa ne’ebé redasaun Media ONE Timor asesu hosi Gabinete PM Kay Rala Xanana Gusmão nian, iha Kuarta, (26/09/2023) hateten, ASIAN Games tinan 2023 ne’e sei hala’o ninia abertura iha loron 23 Setembru 2023.

Antes jogu desportivu ASIAN Games ne’ebé sei lansa husi Prezidente Repúblika Popular Xina, Ji Xinping ne’e hala’o, sei hasoru malu uluk ho PM Xanana  hodi deskuti kona-ba kooperasaun rai rua ne’e nian.

Lee Notísia Relevante: Delegasaun Asian Games Na’in 56 Kumprimenta PR Horta

“Xefe Governu Kay Rala Xanana Gusmão sei hasoru malu no hala’o enkontru ofisiál ho Prezidente Repúblika Popular Xina, Ji Xinping  hodi deskute kooperasaun bileterál entre Nasaun Timor-Leste ho Nasaun Repúblika Popular Xina,” hakerek komunikadu imprensa ne’e.

Sei nafatin hosi komunikadu imprensa ne’e katak, hafoin ekontru ho Xefe Estadu Xina, PM Xanana akompaña hosi Embaixador TL ba Xina, Abrão Santos sei hasoru mós estudante Timoroan sira ne’ebé hala’o hela estudu iha Xina.

Hanesan públika tiha ona katak jogu desportu mundiál ASIAN Games  ne’e partisipa hosi atleta besik 1.000-resin ho modalidedade desportu oin-oin, ne’ebé hetan moos partisipasaun husi ekipa atleta Timor-oan na’in 56.

Atleta Timoroan 56 ne’e kompostu hosi atleta mane na’in 24, atleta feto na’in ualu, ofisiál feto na’in-16 no mane na’in-34 ne’ebé mai hosi federasaun 10 hanesan, tenis do campo, atletismu, taekwondo, karate-do, natasaun, federasaun tiru, boxe, federasaun halterofelismu, badminton no vollybool praia.

Ístoria hogu desportivu Asian Games ne’ebé hala’o kada tinan:

1. Asian Games tinan 1951 hala’o iha Delhi, India
2. Asian Games 1954 hala’o iha Manila, Filipina
3. Asian Games 1958 hala’o iha Tokyo, Jepang
4. Asian Games 1962 hala’o iha Jakarta, Indonesia
5. Asian Games 1966 hala’o iha Bangkok, Thailand
6. Asian Games 1970 hala’o iha Bangkok, Thailand
7. Asian Games 1974 hala’o iha Tehran, Iran
8. Asian Games 1978 hala’o iha Bangkok, Thailand
9. Asian Games 1982 hala’o iha Delhi, India.
10. Asian Games 1986 hala’o iha Seoul, Korea Selatan
11. Asian Games 1990 hala’o iha Beijing, Xina.
12. Asian Games 1994 hala’o iha Hiroshima, Jepang.
13. Asian Games 1998 hala’o iha Bangkok, Thailand.
14. Asian Games 2002 hala’o iha Busan Korea Selatan.
15. Asian Games 2006 hala’o iha Doha Qatar.
16. Asian Games 2010 hala’o iha Guangzhou Cina
17. Asian Games 2014 hala’o oha Incheon, Korea de Sul
18. Asian Games 2018 hala’o iha Jakarta – Palembang, Indonezia
19. Asian Games 2023 hala’o iha Sidade Hangzhou, Xina.

Vizita Xefe Governu ba Xina akompaña direita hosi Vise-Primeiru-Ministru, Ministru Koordenadór Asuntus Ekonómikus no Ministru Turizmu no Ambiente, Francisco Kalbuadi Lay, Ministru Negósius Estranjeirus no Kooperasaun, Bendito dos Santos Freitas, Ministru Administrasaun Estatál, Tomas do Rosario Cabral, Ministru Juventude, Desportu no Arte e Cultura, Ministru Planeamentu no Investimentu Estratéjiku, Gastão Francisco de Sousa. (Asesu Youtube/Facebook https://www.facebook.com/Media1Timor Media ONE Timor)