(Reportájen Jacinto Caet no Livia Sarmento/Editora Suzana Cardoso)
DILI (Média ONE Timor) – Tanba foin halo aniversariu ba dala-XX nian, nune’e Nasaun Timor-Leste laiha kapasidade atu kria empregu ba joven sira, maka governu sei buka dalan atu kria empregu iha rai liur.
“Ita sei buka dalan atu kria empregu iha rai-liur. Governu no ita hotu presiza haree iha Korrea no Australia. Ita mós haree ona fatin seluk, buka esplora oportunidade seluk hanesan Inglatera hetan inisiativa husi ne’ebá.”
Lee Notísia Relevante: PN Husu Governu Loke Kampu Traballu Ba Joven TL
Hateten Primeiru Ministru Taur Matan Ruak ba Jornalista iha Palasiu Prezidente Aitarak Laran, Kinta (09/06/2022), hafoin remata enkontru semanál ho Prezidente Repúblika José Manuel Ramos Horta.
Nia esplika liutan, Governu apresia tebes hodi halo esforsu no kontinua fó apoiu ba joven sira. Tanba re-aumenta la’ós fasil, sira husik hela rai Timor-Leste (TL) ba rai seluk.
“Ha’u hanoin herói sira kontribui makaas ba ita nia rain. Iha 2021 ita nia komunidade iha rai-liur kontribui 121 mill dollar ba Nasaun Timor-leste. Ajuda ba kresimentu ekonómia nian”, dehan PM Taur.
Nune’e PM Taur promete, governu sei servisu maka’as ba joven sira ne’ebé hakarak ba servisu iha rai-liur. Aliende ne’e, Estudante moos barak maka estuda iha estanjeiru, sira esforsu hodi kontribui moos ba Nasaun Timor-Leste. Oportunidade vale ba ema hotu. Estuda maka’as hodi hetan oportunidade ba eskola iha estranjeiru.
“Maski mesak estudante de’it, sira iha nasaun ka oportunidade ne’ebé di’ak. Nune’e bele aproveita oportunidade di’ak ne’e, tanba balun bele servisu no balun seluk kontinua sira nia estadu ba futuru nian,” PM Taur dehan.
Hatan Jornalista kona-ba joventude sira nadodon ba buka servisu iha rai liur katak PM Taur, polítika VIII Governu Konstituisionál sei kria kampu servisu ba sira. Maske nune’e, Governu apresia ba joven sira durante ne’e halo ona sakrifisiu no dedika aan. Sira esforsu makaas hodi kontribui ba dezenvolvimentu Nasaun Timor-Leste nian. (Asesu Youtube/Facebook Media ONE Timor)
Ita nia komentariu konaba post ne'e.