(Reportajen Asistente Editor Marcelino Tomae/Editora Suzana Cardoso)
DILI (Média ONE Timor) – Proposta osan hamutuk millaun 5,102,489 USD ne’ebé aprezenta hosi Sekretáriu Estadu Juventude no Desportu (SEJD) hetan aprovasaun iha uma fukun Parlamentu Nasionál (PN) ho votu afavor 39, kontra Zero no abstensaun 20.
Tuir observasaun Media ONE Timor iha uma fukun PN katak, hafoin sekretária meza PN Lidia Norberta dos Santos remata lee proposta osan SEJD ne’e iha plenaria, Prezidente PN (PPN) Aniceto Aniceito Longuinhos Guterres Lopes orienta deputadu sira hodi kontinua ba votasaun.
“Husu deputada sira prepara vota ba proposta Sekretáriu Jerál Estadu Juventude no Desportu (SEJD)”, katak PPN Aniceto liu husi sesaun plenaria debate OJE tinan fiskál 2023 ba espesialidade, Tersa, (15/11/2022).
Rezultadu husi votasaun ne’e, totál votu afavor 39, kontra Zero no abstensaun 20. Nune’e, PPN Aniceto, anunsia proposta orsamentu hamutuk millaun 5,102,489 USD ba SEJD pasa iha debate espesialidade.
Hanesan lee tiha ona antes aprovasaun katak, osan hamutuk millaun 5,102,489.00 USD ne’e ho ninia kolokasaun maka hanesan; ba programa 510 boa governasaun jestaun instituisionál millaun1,803,723 USD. Ba programa 980 igualdade jéneru no inkluzaun sosial millaun 3,298, 766 USD.
Enkuantu iha proposta númeru 47, iha títulu 080 ba fundu infrastrutura. Programa 908 igualdade jéneru no inkluzaun sosial, formasaun inisia miliaun 1,652, 211 USD. Altetsasaun hasai millaun 173,244 USD. Dotasaun finál 1,478 ,964 USD. Notasaun inisial totál títulu millliaun 201, 743,720 USD. Dotasaun finál títulu miliaun 201,570,473 USD.
Nune’e sei tau ba iha títulu 019 Sekretáriu Jerál Estadu Juventude no Desportu (SEJD) iha programa 510 boa governasau jestaun instituisionál. (Asesu Youtube/Facebook https://www.facebook.com/Media1Timor Media ONE Timor)
Ita nia komentariu konaba post ne'e.